Moncton
| Moncton | ||
 | ||
| Kelk imaji pri Moncton. | ||
| Lando: |  Kanada | |
| Regiono: | New Brunswick | |
Informo: | ||
| Fondita ye: | 1766 | |
| Latitudo: | 46°05'36"N | |
| Longitudo: | 64°46'30"W | |
| Altitudo: | 49,21[1] m | |
| Surfaco: | 140,67 km² | |
| Habitanti: | 79 470 (2021) | |
| Denseso di habitantaro: | 564 hab./km² | |
| Disto de Ottawa: | 1058,8[2] km | |
| Horala zono: | UTC-5 (UTC-4 dum somero) | |
| Urbestro: | Dawn Arnold | |
 • Mocton | ||
Oficala retosituo: | ||
| http://www.moncton.ca/ | ||
Moncton esas la maxim populoza urbo de la provinco New Brunswick, en Kanada. Segun la demografiala kontado di 2021, ol havis 79 470 habitanti. Lua tota surfaco esas 140,67 km². Lua metropolala regiono havis 157 717 habitanti ye la sam yaro.
Jacanta an la rivo di fluvio Petitcodiac, Moncton jacas an la centro di tale nomizita "provinci apudmara": New Brunswick, Nova Skotia ed Insulo Prince Edward. Ol surnomizesis "nabo-urbo" pro sua centrala lokizo, funcionanta anke kom koncentro-punto ferovoyala e choseala por ta provinci. Malgre ke sua koloniigo komencis en 1733, ol fakte fondesis en 1766, kande Germani veninta de Pensilvania establisis su ibe. Cirkume la duimo di yari 1840a, la fabrikado di ligna bateli divenis importanta ekonomial agado. Malgre ke sua ekonomio krulis dufoye - dum la yari 1860a, kande navala industrio dekadis, e dum la yari 1980a, kande la konstrukto di lokomotivi finis ibe - l'urbo sucesis rekuperar su en la du okazioni. Nun, la bazo di sua stabila ekonomio esas transporto, distributado di vari, endetala komerco, eduko, saneso, financi, informatiko, ed asekural agadi.
Geografio
[redaktar | redaktar fonto]
La reliefo di Moncton esas kelke plana, trairata da fluvio Petitcodiac, an loko ube ol formacas kudo (Petitcodiac signifikas "kurveskas quale arko"). Lua mezavalora altitudo esas 49,21 metri super la marala nivelo[1].
Malgre distar min kam 50 km de la bayo di Fundy, la klimato di Moncton esas humida kontinentala (Dfb segun la klimatala klasifikuro da Köppen), e la pluvo-quanto distributesas uniforme dum la tota yaro. La mezavalora temperaturo en julio (somero) esas 19,5°C, kontre ke la mezavalora temperaturo en januaro (vintro) esas -8,2°C.
La mezavalora yarala pluvo-quanto esas 842 mm, e la maxim pluvoza monato esas oktobro, kun mezavalore 104,6 mm. La nivoza sezono iras de decembro til aprilo, e min intense de novembro til mayo. Mezavalore, nivas dum 50 dii po yaro.
Referi
[redaktar | redaktar fonto]- 1 2 Altitude of Moncton, Canada - URL vidita ye 21ma di mayo 2025. Idiomo: Angla.
- ↑ https://www.rome2rio.com/s/Moncton/Ottawa